Atlasa | 5 | Erakusketa

Zaldibiri buruzko lan honetan emakumearen inguruko hausnarketan gabiltza: emakumearen garapena belaunaldietan zehar, arazoak, kezkak, beharrak, nahiak… Egoera orokorra nahiz Zaldibikoa aztertu da.

Industria garaiaren aurretik, baserritik bizitzea ohikoa zen. Ondoren, ordea, industrializazioarekin, Zaldibiren kasuan Bilore fabrikarekin, eskulan beharra zela-eta, emakumeak lan munduan sartu ziren. Pixkanaka pixkanaka, lan merkaturatzeko eskubidea lortu du emakumeak. Baina horren ondorioz, honen aurretik emakumeak bere gain zituen behar sozialak (pertsona dependienteak zaintzeko beharrak…) kolokan gelditu dira, ez zaie irtenbide egokia eman. Hor dago desoreka. Pitzadura hauek estaltzeko, partxez josi gaituzte. Konponketa puntual hauek, zer aldarrikaturik ez dagoela pentsatzera eraman gaituzte, berdintasunean bizi garela. Baina, hala al da?

Atlas honekin horren inguruko hausnarketa bultzatu nahi da, partxez jositako emakumea erakutsiz. Azalean lehen begiradan ikusten dena egongo da, berdintasunaren islada. Barnera begiratuz gero, ordea, pitzadura horiek ikusiko dira. Hauek guztiak, zintzilik egongo dira, kolokan dagoen egoera modura.

Atlasaren garapeneko txostena:
_Generoa-Hezkuntza-Lana_ https://drive.google.com/file/d/0B1D25WeQxGE5aGVvSVpiZkYzNGc/view?usp=sharing

Taldekideen sarrerak:
_Naia Azkuenaga_ http://naiazkuenaga.blogspot.com.es/2016/12/tb-azken-ematea.html
_Maitane Diez_ http://maitanediez-proiektuakzazpizortzi.blogspot.com.es/2016/12/zaldibi-atlasa-aurre-ematea-4.html

Montauban | 6 | Azken ematea

"HUMAN-ING" KULTURGUNEA

IDEIA. Proiektuaren garapeneko erabakien laburpena

“Auto-espaziotik Giza-espaziora”

Proiektua kokatzen den espazioa gaur egun asfaltu gogor bat da. Lurrean aparkaleku plazak markatzen dituzten lerro zuriak daude, eta han eta hemen zuhaitz batzuk landatu dira autoei itzal emateko.

Nire proiektuaren helburua horren kokapen pribilegiatuan dagoen erresidual-panorama honi buelta ematea da. Lurrazal hau kendu gabe eta bertan dauden zuhaitzen tramara egokituz, erabat bestelakoa den espazio bat sortzea dut helburu, gizakiarentzako espazio bat.

Atmosfera aldaketa hau lortzeko bidean hurrengo erabakiak hartu ditut:

1 | Oinezkoen bideen konexioak

Proiektua non kokatu erabaki ondoren, lehen pausua inguruko oinezkoen bideak aztertzea izan da. Alde batetik ekialdeko Ingres Museoaren alboko eskailera eta igogailutik datorren ardatza dugu. Bestalde, hegoalderago dagoen ibai-adarraren bestaldeko pasoa dugu, jarraipena emanaz ardatz berri bat sortzen duena.

Bi ardatz hauek lotu eta elkargunearen inguruan gainontzeko espazioak artikulatzea izan dut abiapuntu bolumenak kokatzerako orduan.

2 | Aparkalekuko zuhaitzen trama

Orube inguruan bi begetazio mota aurkitzen ditugu. Ibai albokoa, "naturala" deituko diodana, hau eta hemen ausazkoa dirudien era batean dago kokatua, eta ibaiaz beste aldetik begiratzean pantaila bat sortzen du. Orube barrukoa, "artifiziala" deituko diodana", gizakiak autoei itzal emateko kokapen konkretu batean kokatutako unitatez osatzen da.

Orubeko "Platano faltsu" motako zuhaitzen kokapen ortogonala aztertuz, ipar-hego norabideko ardatzen artean 7,50m daudela, eta eki-mende norabidekoen artean 13,00m daudela ikusi dut. Nire bolumenak hauen tramara egokituz, tarte estuetan konexioak kokatuko dira, eta zabaletan aldiz estantziak. 

3 | Eraikinaren altuera maximoa

Ibaiaz bestaldetik begiratzen dugunean eraikina ezkutuan gelditzeko, bolumen eraikiek ez dute zubiaren garaiera igarotzen. Beraz, eraikina horizontalean luzatzen diren bolumenez osatuko da.

4 | Espazio publiko libreak

Interbentzioa, elementu eraikiez gain, hauen arteko/inguruko espazio libreez osatzen da. Oinezkoen bideen inguruan espazio publiko libreak kokatuz, bisitariari autonomiaz mugitzeko aukera ematen zaio. Horrez gain, espazio hauen bidez erabilera ezberdineko bolumen itxiak antolatzen dira.

KOKAPENA. Frantzia, Montauban (82000), Rue Alphonse Jourdain

Maketa 1 | Eraikinaren bolumetria eta kokapen hurbilaz duen erlazioa

Bolumenak zuhaitzen tramara egokituz horizontalki hedatzen dira. "Gelak" biltzen dituzten norabideko blolumenak zabalak eta altuak dira, eta eraikina egituratzen dute. Beste norabidean zuhaitzen arteko tarteak estuak direnez, hauetan gelen arteko "Zubiak" kokatzen dira. Zuhaitzen tramak onartzen duen tokian zubi zabalago bat kokatu eta tailerrentzat izan daitekeen gunea jartzen da, bi bolumen multzoen arteko trastsizo estali bat sortzeaz batera.

Maketa 2 | Plazaren bista paseotik Ingres museoa atzean delarik

Errepiderantz lerro zuzen baten atzean hasten diren bezala, ibai aldera bolumenak bata bestea baino luzeagoak dira, paseotik datorren ibiltariari bere barneko guneetan sartzera gonbidatuz.

Ebaketa 1 | Auditorioaren eta Ingresen arteko harremana

Ikunsten den moduan, proiektaturiko eraikinek ez dute zubiak, ingreseko terrazak edota eskaileren goiko kotaren altuera gainditzen, ezta ibai aldera dauden zuhaitzen altuera ere. Keinu honen bidez paseoan zehar doan pertsona eraikinarekin ustekabean aurkitzea lortu nahi da, zuhaitzen atzean ezkutuan dagoen gune goxo batekin.

Ebaketa 2 | Terrazaren eta plazaren arteko harremana

Lehen esan bezala, eskailera eta igogaiutik datorren ardatza luzatu eta paseoaren luzapenaz perpendikularki moztera eramaten da, berau espazio publiko zabal bat bezala tratatuz, hau da, plaza bat sortuz. Tailerrak biltzen dituen zubiaren azpitik igaro eta horizontaltasuna transmititzen digun plazan sartzen gara. Sentsazioa areagotzeko, honen alboko bolumenaren behe solairua libre uzten da, behar izanez gero kafetegiaren terraza estalia izan litekena.

PROPOSAMENA. Proiektuaren azalpen laburra

Ebaketa nagusia:

Solairuak:

Panela:

Manual of section

MANUAL OF SECTION

Paul Lewis, Marc Tsurumaki, David J. Lewis
https://issuu.com/papress/docs/manualofsection_issuu

Montauban | 5 | Lan Maketa

Montauban | 4 | Auto-espaziotik Giza-espaziora

Behin nire proiektuaren kokapenak guztiz erabakita (Ingres Museoaren aurreko aparkaleku zatia), espazio honen benetako analisia egin nuen.

Espazio hau gaur egun asfaltu gogor bat da, lurrean aparkaleku plazak markatzen dituzten lerro zuriak daude, eta han eta hemen zuhaitz batzuk landatu dira autoei itzal emateko. Pertsonok, pabimentu hau ikustean, segituan autoak ibiltzeko azalera dela bururatzen zaigu, eta harrapatuak izan nahi ez badugu bertatik atera behar dugula ulertzen dugu.

Nire proiektuaren helburua ideia honi buelta ematea da, lurrazal hau kendu gabe eta bertan dauden zuhaitzen tramara egokituz, erabat bestelakoa den espazio bat lortzea, gizakiarentzako espazio bat.

Nintendoren erakusketa pabiloia

Montauban | 3 | Tarte ematea

Atlasa | 4 | Aurre ematea

GENERO BERDINTASUNAREN PETATXOAK

Taldekideen sarrerak:

_Naia Azkuenaga_ http://naiazkuenaga.blogspot.com.es/2016/11/tb-aurre-ematea.html

_Maitane Diez_ http://maitanediez-proiektuakzazpizortzi.blogspot.com.es/2016/11/zaldibi-atlasa-aurre-ematea-3.html

Montauban | 2 | Estrategiak

Badirudi espazio bitan banatua geldizen dela. Goian hiria dugu jendea bizi den lekua, mugimendua dagoen lekua. Behean, potentzial handia ikusten zaion baina espazio erresidual moduan uzten den orubea dugu. Inundagarritasuna dela eta erabat baztertu den orube honetan kokatuko da nire proiektua.

Honakoak dira nire proektuaz jarraitu nahi ditudan helburuak:

1. Ingres Museoak bere inguruko hiri egituran duen eragina kontuan izanik, honi erantzunez integratu.
2. Ibaiaz bestaldetik begiratzean dauden bistan ez kutsatzeko, horizontaltasunaz jokatu, zubiaren kotatik altxatu gabe.
3. Oinezkoen paseoaren jarraipena sortu eta errepidea estutu. Honez gain, nire eraikinaren bidez bi hauek nahasi.
4. Orubearen inguruan gelditzen diren elementu historioak errespetuz begiratu, eta hauekiko keinuak egin.

Montauban | 1 | Azterlanak

Montaubanen egin beharreko proiektua, “Musée Ingres”-aren zabalpena da, honen inguru gertuan kokatu behar dena. 

Kokapen pribilegiatu bat duela esan daiteke. Hiriaren eta ibaiaren arteko mugan kokatzen da, bere altueratik ibaiaren beste aldeko etxeak begiratuz. Albo batera Erdi Aroan eraikitako “Pont Vieux” zubia du, beso bat bezala luzatuz Tarn-Garonne ibaia zeharkatzen duena, eta bi alboak konektatzen dituena.

 Ekialdera, jo eta alboan duen parkea zeharkatuz gero “Église Saint Jacques de Montauban” eliza topatzen dugu, gaur egun Erromaniko, Gotiko eta Neoerromaniko estiloen nahasketa dena eta hiriko gune historikoari sarrera ematen diona. Honi paralelo den kalea jarraitu eta hiriaren bihotzera iristen gara “Place Nationale”-ra. Bertatik, hirian zeharreko oinezkoen kaleetatik ibil gaitezke, alboko eraikinen adreilu koloreaz nahasiz.

 Mendebaldera joz gero, eskailera, igogailu edo arrapalatik jaitsi gaitezke 11-15 metro beherago dagoen kotara. Bertan, zuhaitzen azpian ezkutatzen den aparkaleku erraldoia aurkituko dugu parean.

 Belarra egongo zela zirudien tokian asfalto beltza topatzen dugu. Horren kokapen berezia duen espazioa makina metalikoz betea ikusten dugu. Baina aparkalekua ez dago museo inguruan bakarrik, ibai ertz guztian zehar baizik. Hiriaren zentrotik bi pausora gelditzen den potentzial handiko espazio hau, kotxez betea gelditzen da. Ezin da esan erabiltzen ez denik, baina, nork ibiltzen du?

 Diseinatua dagoen erak transmititzen duenaren arabera, pertsonek ez behintzat.

Atlasa | 3 | Azterlanak

GENEROA - HEZKUNTZA - LANA

Behin eta berriz errepikatu digute Zaldibitarrek emakumeak herri honetan izandako independentzia eta indarra. Hurrengo lanen bitartez egoera honen inguruan ikertutako eta lortutako informazio guztia zuei azaltzen ahaleginduko gara.

Taldekideen sarrerak:
_Naia Azkuenaga_ http://naiazkuenaga.blogspot.com.es/2016/10/tb-atlasa-azterlanak.html
_Maitane Diez_ http://maitanediez-proiektuakzazpizortzi.blogspot.com.es/2016/10/zaldibi-atlasa-azterlanak-2.html

Albi | 5 | Lanaren inguruan hausnartuz

Ariketa honekin hasi ginenean, lehenengo maketaz lanean jartzean, plaza osoa betetzera jotzeko beharra izan nuen. Lerroz beteriko marrazkiak begiratzen nituen, hariz beteriko maketa ikusten nuen, eta ni neu ere itota sentitzen nintzen. Enuen pentsatu nahi ni hala banengoen, bertatik ibiliko zen pertsonak nola sentitu behar zuen. 

Eginiko zuzenketa bakarrean irakasleak paperean marrazturiko lau lerroak begiratzen nituen, liburutegitik hartutako 3 liburuak ("OMA: recent projects", "Small squares = Mini plazas" eta "Multidisciplinary spaces: architectural complexes") behin eta berriz ojeatu nituen, interneten ideiak bilatu nituen ... baina enuen topatu bidea. Hala dagoeneko hasia nuen?

Orri bat hartu, programan idatziak zeuden azalerak eskalan moztu, maketa gainera bota eta neukan ikuspegia goitik behera aldatu zen. Plaza guztia hartu nahi zuen elementutik espazio nagusi batetik kanpora hedatzen ziren bide zidorren ideiara pasa nintzen. Gustura lanean hasi nintzen. 

Nire proiektuaz plaza osoa ez baldintzatzeko ideiaz, hurrengo helburuak planteatu nituen:

     1. Elementu txiki eta moldagarriez osatzea.

     2. Plaza oinezkoari itzultzea.
     3. Bisualen bidez inguruko eraikinekin jolastea.
     4. Plazan kolorea sartzea.
     5. Gonbidatzen duten espazio ezberdinak sortzea.
     6. Eman daitezkeen gertakari ezberdinei erantzun ahal izatea.

Eta behin hau egina, forma bere kabuz, nahi gabe, irten zen.

Albi | 4 | Betea

ABIAPUNTUA

Proiektua, Albiko Santa Cecilia Katedralaren abside atzealdeko plazan kokatzen da, XIX. mendeko “sventramenti”-en ondorioz sortua. Interbentzio hauen helburua gune konkurritu edo garrantzitsuetako espazio publikoak zabaltzea zen, erabiltzaileentzat erosoagoa izateko eta eguzkiak emateko. 

Irudi zaharrak aztertuz, espazio honek izandako erabilerak ikusi eta ondorio batzuk atera daitezke. Hasieran espazioa oinezkoak nahiz karroak ibiltzeko, edota merkatu postuak jartzeko erabiltzen zen, baina errepideak sartzean, autoentzako aparkaleku bihurtu zen. Duela gutxi, hirigune historikoa oinezkoentzat berreskuratu, katedrala UNESCO-ren eskutik patrimonio mundiala kontsideratu eta bere ingurua berritu bada ere, autoak etengabe plaza zeharkatzen dabiltza plazan HUTSUNEA utziz.

HAUSNARKETAK

Plaza jendearentzat berreskuratzeko lehen pausua autoak bertatik ateratzea izan da, hauek peatoien ibilbideak mozten baitituzte. Honekin, oinezkoen bideak zabaldu eta pabiloiaz nahastera eramango ditut.

Elementuen forman pentsatzen hasi aurretik, diagrama bidez jendearen ibilbideak aztertzea, edota sartutako elementuen forma ezberdinek espazioan duten eragina aztertzea izan da nire abiapuntua. 

Plazak “sventramenti”-aren aurretik zuen espazio publikoa eta ondoren duena aztertuta, bi ardatz nagusi mantentzen direla nabari da. Ardatz hauetatik etxebizitza eraikinetara dagoen espazioa terrazak jartzeko edota zirkulaziorako oso erabilia da, eta nire helburua oztoporik jartzea ez denez, espazio hauek libre utziko ditu. 

Proiektua ardatzen eta katedralaren artean zentratuko da beraz. Bertan espazio ezberdinak sortzea izango dut helburu, pasoko espazio izateaz gain gelditzeko gogoa ematen duen tokia.

BIONBOAK

Sortutako pabiloiak tarteka jaso beharko dituen erakusketa, merkatu, konferentzia gela … aintzat hartuta, formaz aldatzen diren elementuak sortzea izan dut helburu. Elementu hauek, espazioa mugatzeko eta estutasun edo zabaltasun sentsazioak sortzeko balio izateaz gain, eraldatzean, merkatu postuak bihurtuko dira.

Hauen forma “Palais de la Berbie”-an sartu eta katedralera begiratzen dugunean aurrez aurkitzen dugun estalki jokoa erreproduzitzeko nahitik dator. Plazan jarritako elementuak puntu jakin batzuetatik begiratzean, plaza inguruko estalkiekin bat egingo dute. 

Espazioari eman nahi zaion pribatutasunaren arabera, hormetan adreilu hormen inprimaziodun plastikozko panelak jarri ahal izango dira, guztiz opakoak izan gabe, hiriarekin bat etorriz. Merkatu postu bihurtzen direnean, telazko estalki bat gehitzeko aukera emango dute, barrukoa babestuz. Egurrezko markoak koloretan pintatuak egotea aurreikusten da, adreiluzko plazari bizitasuna sartzeko.

ANTOLAMENDUA

Momentuko beharren araberako antolaketa moldagarri bat eskaintzen denez, elementuek ez dute aurrez zehatutako posizio bat, jolasteko aukera irekia dago. 

Irudietan 3 antolamendu posible planteatzen dira, “Emanaldi baten kasua”, “Erakusketa egun baten kasua” edota “Merkatu egunaren kasua” izan litezkeenak. Dena den, antolaketa bakoitzean, espazioa BETETZEA helburu izanik, mantendu beharreko garrantzitsuena espazio ezberdinen arteko jokoa liteke.

Albi | 3 | Bionboak

Sortutako pabiloiak tarteka jaso beharko dituen erakusketa, merkatu, konferentzia gela … aintzat hartuta, formaz aldatzen diren elementuak sortzea izan dut helburu. Elementu hauek, espazioa mugatzeko eta estutasun edo zabaltasun sentsazioak sortzeko balio izateaz gain, eraldatzean, merkatu postuak bihurtuko dira.

Gaur egun plazan bertan nabari ez bada ere, alboko “Palais de la Berbie”-an sartu eta katedralera begiratzen badugu, iraganeko herrixken itsura datorkigu gogora. Etxe bat bestaren atzean pilatzen da, estalki joko goxo bat sortuz. Joko hau proiektuan integratu nahi izan dut, jarritako elementuak puntu jakin batzuetatik begiratzean plazaren perimetroko estalkiekin bat eginez.

Sortutako elementuak etxe tradizionalen forma orokorra hartzen duten bionboak izango dira. Espazioari eman nahi zaion pribatutasunaren arabera, hormetan adreilu hormen inprimaziodun plastikozko panelak jarri ahal izango dira, guztiz opakoak izan gabe, hiriarekin bat etorriz. Merkatu postu bihurtzen direnean, telazko estalki bat gehitzeko aukera emango dute, barrukoa babestuz. Egurrezko markoak koloretan pintatuak egotea aurreikusten da, adreiluzko plazari bizitasuna sartzeko.

Momentuko beharren araberako antolaketa moldagarri bat eskaintzen denez, elementuek ez dute aurrez zehatutako posizio bat, jolasteko aukera irekia dago.

Albi | 2 | Betetzen

Plaza jendearentzat berreskuratzeko lehen pausua autoak bertatik ateratzea izan da, hauek ibilbideak mozten baitituzte. Honek, oinezkoen bideak zabaltzen ditu, pabiloiaz nahastera eramango dituena.

Elementuen forman pentsatzen hasi aurretik, diagrama bidez jendearen ibilbideak aztertzea, edota sartutako elementuen forma ezberdinek espazioan duten eragina aztertzea izan da nire abiapuntua.

Plazak “sventramenti”-aren aurretik zuen espazio publikoa eta ondoren duena aztertuta, bi ardatz nagusi mantentzen direla nabari da. Ardatz hauetatik etxebizitza eraikinetara dagoen espazioa terrazak jartzeko edota zirkulaziorako oso erabilia da, eta nire helburua oztoporik jartzea ez denez, espazio hauek libre utziko ditu.

Proiektua ardatzen eta katedralaren artean zentratuko da beraz. Bertan espazio ezberdinak sortzea izango dut helburu, pasoko espazio izateaz gain gelditzeko gogoa ematen duen tokia.

Albi | 1 | Hutsunea

Proiektua, Albiko Santa Cecilia Katedralaren abside atzealdeko plazan kokatzen da, XIX. mendeko “sventramenti”-en ondorioz sortua. Interbentzio hauen helburua gune konkurritu edo garrantzitsuetako espazio publikoak zabaltzea zen, erabiltzaileentzat erosoagoa izateko eta eguzkiak emateko.

Irudi zaharrak aztertuz, espazio honek izandako erabilerak ikusi eta ondorio batzuk atera daitezke.

- Hasieran espazioa oinezkoak nahiz karroak ibiltzeko, edota merkatu postuak jartzeko erabiltzen zen.

- Ondoren errepideak sartzean, autoentzako aparkaleku bihurtu zen.

- Duela gutxi, hirigune historikoa oinezkoentzat berreskuratu eta autoentzako koexistentzia kalea bakarrik utzi zen.

- Gaur egun katedrala patrimonio mundiala kontsideratzen da, UNESCOk babestua dago, eta bere ingurua berritu da.

Eginiko bidaian bertako bizitzaren zati txiki baten isla bakarrik ikusi bagenuen ere, zorionez merkatu eguna tokatu zitzaigun. Baina merkatua jartzeko plaza zabal berrituari etekina atera beharrean, kale estuen artean zegoen. Plaza hutsa zegoen bitartean, jendea postuek utzitako kale ertzetatik pasatzen zen.

Honek, “sventramenti”-ak gaur egungo egoerari eginiko ekarpena zalantzan jartzen du. Izan ere, hiriari lortutako espazioa hiritarrentzat izan beharrean, monumentua ikustera datozen turistentzat bihurtzen da. Hala baina, bere garaian plazak ondo funtzionatzen bazuen, gerora etorritako aldaketak izan dira arazo honen iturri: autoak.

Autoak plazan sartu ziren momentutik espazioaren jabe berria definitu zen. Beranduago koexistentzia kalea bihurtu eta espazio osoari bateratasuna eman nahi izan bazaio ere, autoak etengabe plaza zeharkatzen dabiltza. Ondorioz, oinezkoen guneak irlatan zatituak gelditzen dira, eta azkenean merkatua kalearen alde batera jartzen da, erosotasuna bilatuz, plazan HUTSUNEA utziz.

Atlasa | 2 | Aurre azterlanak

Zaldibiako atlasaz lanean hasteko, bertara joan eta herriaren egoera nahiz herritarren iritziak era zuzenean aztertu genituen. 

Eginiko galdeketa honetan gaiak errepikatzen zirela ikusi genuen: Biloreren gaineko kezka, Frontoi estaliaren nahia... eta bide batez, oraindik planteatuak ez zituzten ideien inguruan hausnartzeko bideak ireki genizkien: Turismoa, komertzioak...

Argi utzi ziguten herria dagoen bezala gelditzea nahi zutela, baina ez zuten inoiz planteatu nola mantendu giroa kanpoan ikasi, lan egin eta erosketak eginez. 

Bilore itxi zenetik herria aldatzen hasi da pixkanaka. Dagoeneko ez da egunez hainbeste jende mugitzen herrian, eta hau bereziki nabari da denda txiki eta tabernetan, jabeak ordezko gabe gelditzen ari baitira.

Taldekideen sarrerak:
_Naia Azkuenaga_ http://naiazkuenaga.blogspot.com.es/2016/09/tb-atlasa-aurre-azterlanak.html
_Maitane Diez_ http://maitanediez-proiektuakzazpizortzi.blogspot.com.es/2016/09/zaldibi-atlasa-aurre-azterlanak-1.html

Atlasa | 1 | Atlasaren inguruan hausnartuz

ARKITEKTOA KOLEKZIONISTA MODUAN idatziaren inguruan hausnartuz.

Informatikaren eta irudien garaian bizi garela esan daiteke, argazkiz inguratuak, baina eduki gabeak gehieneak, ezer transmititzen ez dutenak.  

Atlasa esanaiz beteriko irudi edo informazio mapa bat da. Honen helburua ez da historio bat kontatzea, ideia askeen arteko erlazioak sortuz nork bere ideiak garatzeko bideak irekitzea baizik, esanahi ezberdinak sortzen laguntzeko herramienta.

Iraganeko, oraineko eta etorkizuneko informazio, irudi eta ideiak bilduz, artxibatuz eta muntatuz,  informazio guzti hau irakurtzen laguntzeko erak sortzen ditugu.

Arkitektook, esperientzia sensiblearen bidez,etengabe sortzen ditugu Atlas hauek. Gure ideiak (imaginatu ditugun gauza inexistenteak) besteei transmititzeko proiektuak egiten ditugu, zein hainbat aurrekari, hausnarketa, nahi eta ideiak aurkezteko plano, panel, irudi eta textuak diren.

Zaldibiako ariketa honetan herriaren informazio bilketa izango dugu helburu. Gure lanaren bidez, lehen aipatu bezala, ahalik eta informazio gehien bildu, antolatu eta muntatuko dugu, era honetara, ikusleari ideien arteko harremanak sortzeko dialektika batean murgilduz, bere ondorioak atera ditzan. 

Bizitoki berri bat Ulian